ரஷ்ய வெளிவிவகார அமைச்சர் செர்ஜி லவ்ரோவ், மூன்று நாள்கள் பயணமாக இன்று வடகொரியா செல்கின்றார்.  

உக்ரைன் நாட்டுடன் ரஷ்யா போர் தொடங்கி 3 ஆண்டுகளைக் கடந்து நீடித்து வருகிறது.

இதில் உக்ரைனுக்கு ஆதரவாக அமெரிக்கா, இங்கிலாந்து, ஜெர்மனி உள்ளிட்ட நாடுகள் ஆயுதங்கள் மற்றும் நிதியுதவி வழங்கி வருகின்றன. 

ரஷியாவுக்கு வடகொரியா ராணுவ உதவிகளை வழங்கி ஆதரவு தெரிவித்து வருகின்றது.

போர் தொடர்ந்து நீடித்து வருவதால் இரு தரப்பிலும் ஏராளமான இழப்புகள் ஏற்பட்டுள்ளன. 

குறிப்பாக, ரஷியா தரப்பில் சண்டையிட போதுமான ஆட்கள் இல்லாமல் சிரமப்படும் நிலை உள்ளது. இதனால் வெளிநாடுகளில் இருந்து கூலிப்படையினரை களம் இறக்கி சண்டையிட்டு வருகிறார்கள்.

இந்நிலையில், ரஷியா வெளிவிவகார அமைச்சர் அரச முறை பயணமாக வடகொரியாவுக்கு இன்று செல்கிறார். 3 நாட்கள் பயணமாக இதில் அந்த நாட்டின் தலைவர் கிம் ஜாங் அன்னைச் சந்தித்து ராணுவ உதவிகளைக் கேட்க உள்ளதாக தகவல்கள் வெளியாகி உள்ளன.