ஆஸ்திரேலியா, விக்ரோரியா மாநிலத்தின் Blue Mountain, Colo River பகுதியில் பரலுக்குள் இருந்து சடலமாக மீட்கப்பட்ட சிறுமி, சுட்டு படுகொலை செய்யப்பட்டுள்ளார் என பொலிஸார் தெரிவித்துள்ளனர். குறித்த சிறுமியை அச் சிறுமியின் தாயின் காதலனே சுட்டுக்கொன்றிருக்கலாம் என பொலிஸார் சந்தேகம் வெளியிட்டுள்ளனர். சிறுமியின் கொலை தாயின் காதலன் மீது குற்றம் சுமத்தப்பட்டுள்ளது.
இந்த கொடூரமான கொலை தொடர்பான தகவல்களை பொலிஸார் பொதுமக்களிடமிருந்து எதிர்பார்க்கின்றனர்.
இந்தக்கொலை தொடர்பான மர்மம் இன்னும் துலங்கவில்லையெனவும் பொலிஸார் தெரிவித்துள்ளனனர். இந்தச்சிறுமிக்கு நீதி கிடைக்க வேண்டும்; இந்தக்கொலை தொடர்பான தகவல்களை குடும்பத்தினருக்கு வழங்க வேண்டியது எமது கடமையென வும் பொலிஸார் தெரிவித்துள்ளனனர்.
சிறுமியை கடைசியாக 13ம் திகதி பார்த்ததாக முறைப்பாட்டில் தெரிவிக்கப்பட்டுள்ளது. ஆனால் சிறுமி11 அல்லது 12 ம் திகதி கொல்லப்பட்டிருக்கலாமென பொலிஸார் நம்புகின்றனர். சிறிய Caliber ரக துப்பாக்கியால் சிறுமி சுடப்பட்டுள்ளார்.
Blue Mountain பகுதியில் கடந்த 11ம் திகதி 9 வயதுச்சிறுமி ஒருவர் காணாமல் போயிருந்த நிலையில் ஐந்து நாட்களின் பின்னர் பரல் ஒன்றுக்குள் சிறுமியின் சடலம் மீட்கப்பட்டமை தெரிந்ததே. சிறுமி எதற்காக தனியே தாயின் காதலனுடன் சென்றார் என்ற விடயத்தை தாயிடமிருந்து அறிந்து கொள்வதற்காக பொலிஸார் காத்திருக்கின்றனர்.
தாய் தற்போது மருத்துவமனையில் அனுமதிக்கப்பட்டுள்ளதால் அவரது வாக்குமூலத்தை பெறுவதற்காக பொலிஸார் காத்திருக்கின்றனர்.
