கொழும்பு அரசியலில் பரபரப்பு - எதிர்க்கட்சி தலைவராவாரா ரணில்?

சஜித் பிரேமதாச தலைமையிலான அணியில் அங்கம் வகிக்கும் நாடாளுமன்ற உறுப்பினர்கள் சிலர், ரணில் விக்கிரமசிங்கவுடன் இணையவுள்ளனர் என வெளியாகும் தகவலை ஐக்கிய மக்கள் சக்தி நிராகரித்துள்ளது.

சஜித் அணியில் உள்ள சம்பிக்க ரணவக்க உள்ளிட்ட குழுவினர் ஐக்கிய தேசியக் கட்சியுடன் இணையவுள்ளனர் எனவும், நாடாளுமன்றம் வரவுள்ள ரணிலை எதிர்க்கட்சித் தலைவராக்குவதற்கு நகர்வை அவர்கள் முன்னெடுத்துவருகின்றனர் எனவும் தகவல் வெளியாகியுள்ளது.

இந்நிலையிலேயே மேற்படி தகவலை ஐக்கிய மக்கள் சக்தி நிராகரித்துள்ளது. அத்துடன், சஜித்துக்கு நம்பிக்கை தெரிவிக்கும் தீர்மானமொன்றையும் அதிரடியாக நிறைவேற்றியுள்ளது.