நெஷனல்ஸ் கட்சிக்கும், லிபரல் கட்சிக்கும் இடையிலான அரசியல் கூட்டணி முடிவுக்கு வந்துள்ளது. 

இனி லிபரல் கட்சியுடன் கூட்டணி அமைக்கப்படமாட்டாது என்று நெஷனல்ஸ் கட்சியின் தலைவர் டேவிட் லிட்டில்பிரவுட் இன்று அறிவித்தார்.

ஆஸ்திரேலிய நாடாளுமன்றத் தேர்தலில் லிபரல் கட்சி பின்னடைவை சந்தித்தது. எதிர்க்கட்சித் தலைவர் தனது சொந்த தொகுதியிலேயே மண் கவ்வினார்.

இதனையடுத்து லிபரல் கட்சியின் தலைவராக சூசன் லே தெரிவுசெய்யப்பட்டார். கூட்டணி உறவை தக்கவைத்துக்கொள்வதற்கு அவர் முயற்சி எடுத்தார். 

இன்று காலைகூட நெஷனல்ஸ் கட்சி தலைவரை சந்தித்து அவர் கலந்துரையாடினார். எனினும், முயற்சி கைகூடவில்லை.

லிபரல் மற்றும் நெஷனல்ஸ் கட்சிகளுக்கிடையில் 1949 ஆம் ஆண்டில் இருந்து கூட்டணி இருந்து வந்தமை குறிப்பிடத்தக்கது.