கூட்டணியின் நிழல் அமைச்சரவையை எதிர்க்கட்சித் தலைவர் சூசன் லே வெளியிட்டுள்ள நிலையில், அது தொடர்பில் சிலர் விமர்சனங்களை முன்வைத்துள்ளனர்.
புதிய நிழல் அமைச்சரவையில் அறிவுசார் பெண் பிரதிநிதித்துவம் புறக்கணிக்கப்பட்டுள்ளது என்று பீட்டர் டட்டனின்கீழ் நிழல் கல்வி அமைச்சராக பதவி வகித்த சாரா ஹென்டர்சன் குற்றஞ்சாட்டியுள்ளார். புதிய நிழல் அமைச்சரவையில் இவருக்கு இடமளிக்கப்படவில்லை என்பது குறிப்பிடத்தக்கது.
அத்துடன், முன்னாள் நிழல் நிதி இலாகாவை வகித்த ஜேன் ஹியூமும் நீக்கப்பட்டுள்ளார். மேலும் சிலர் பதவி இறக்கம் செய்யப்பட்டுள்ளனர்.
லேபர் கட்சி வரலாற்றில் இம்முறையே தலைமைப்பதவிக்கு பெண்ணொருவர் தெரிவாகியுள்ளார். எனினும், பெண் பிரதிநிதித்துவத்துக்கு அவர் முக்கியத்துவம் வழங்கவில்லை என நிழல் அமைச்சரவை பட்டியலில் இருந்து நீக்கப்பட்டுள்ளவர்கள் அதிருப்தி வெளியிட்டுள்ளனர்.
எனினும், பெண்களின் பலம் தமக்கு தேவையெனவும், பெண் பிரதிநிதித்துவத்தை தேவையான இடங்களில் வழங்குவதற்கு தயார் எனவும் சூசன் லே தெரிவித்துள்ளார்.
பீட்டர் டட்டனின் நிழல் அமைச்சரவையில் இடம்பெற்றிருந்த பெண்களை, சூசன் லே குறிவைத்து பழிவாங்கியுள்ளார் என முன்வைக்கப்படும் குற்றச்சாட்டை அவர் நிராகரித்துள்ளார்.
சபா.தயாபரன்
