இஸ்ரேல் ஜனாதிபதி ஜசக் ஹர்சாக் Isaac Herzog ஆஸ்திரேலிய உளவு அமைப்பான ASIO வின் தலைமையகத்துக்கு இரகசிய பயணம் மேற்கொண்டமை பெரும் சர்ச்சையை தோற்றுவித்துள்ளது.
இஸ்ரேல் ஜனாதிபதி அண்மையில் ஆஸ்திரேலியாவுக்கு பயணம் மேற்கொண்டிருந்தார். இதன்போதே மேற்படி விஜயம் இடம்பெற்றுள்ளது.
இந்தப் பயணத்தின் போது, அவர் புலனாய்வு பிரிவின் பாதுகாப்பு இயக்குநருடன் இணைந்து பயங்கரவாத எதிர்ப்பு நடவடிக்கைகள் மற்றும் யூத சமூகத்திற்கு இருக்கும் அச்சுறுத்தல்கள் குறித்து ஆலோசித்தார்.
ஒரு வெளிநாட்டுத் தலைவர் இத்தகைய ரகசிய உளவு அமைப்பிற்கு நேரில் சென்றது முன்னோடியில்லாத செயல் என்று செனட்டர் டேவிட் போகோக் தனது கவலையை வெளிப்படுத்தியுள்ளார்.
எனினும், இந்தச் சந்திப்பு சர்வதேச நாடுகளுக்கு இடையிலான பாதுகாப்பு ஒத்துழைப்பை வலுப்படுத்துவதற்காகவே அமைக்கப்பட்டதாக அதிகாரிகள் விளக்கம் அளித்துள்ளனர்.
மேலும், இந்தச் சந்திப்பின் போது நாட்டின் மிக ரகசியமான உளவுத் தகவல்கள் எதையும் இஸ்ரேலிய ஜனாதிபதி அணுகவில்லை என்று உளவுத்துறை வட்டாரங்கள் உறுதிப்படுத்தியுள்ளன. ஆஸ்திரேலிய அரசு இந்த விவகாரத்தில் கூடுதல் வெளிப்படைத்தன்மையுடன் செயல்பட வேண்டும் என்ற கோரிக்கையும் எழுந்துள்ளது.
