ஈரான்மீதான போரில் அமெரிக்காவின் இறுதி இலக்குகள் எவை என்பது தொடர்பில் ஆஸ்திரேலிய பிரதமர் அந்தோனி அல்பானீஸி விளக்கம் கோரியுள்ளார்.
ஈரான் அணு ஆயுதம் பெறுவதைத் தடுப்பதிலும் அதன் ராணுவ வலிமையைக் குறைப்பதிலும் வெற்றி கிட்டியுள்ளதால் போர் முடிவுக்கு வரவேண்டும் எனவும் அவர் வலியுறுத்தியுள்ளார்.
உலகப் பொருளாதார நலன் கருதி பதற்றத்தைத் தணிக்க விரும்புவதால், அமெரிக்காவின் அடுத்தகட்ட நகர்வுகள் என்ன என்பதை அறிந்துகொள்ள விரும்புகின்றோம் எனவும் ஆஸ்திரேலிய பிரதமர் குறிப்பிட்டுள்ளார்.
அதேவேளை, ஈரானின் தாக்குதல்களிலிருந்து தற்காத்துக் கொள்ள ஆஸ்திரேலியா தனது ராணுவ உதவிகளை ஐக்கிய அரபு அமீரகத்திற்கு வழங்கியுள்ளது என்பதையும் பிரதமர் ஒப்புக்கொண்டுள்ளார்.
