விக்டோரியாவின் மிகப்பெரிய விமான நிலையத்திற்கான மூன்றாவது ஓடுபாதைக்கு மத்திய அரசு பச்சைக்கொடி காட்டியுள்ளது.

மெல்போர்ன் விமான நிலையத்தில் மூன்றாவது ஓடுபாதைக்கான முக்கிய மேம்பாட்டுத் திட்டத்தை மத்திய உள்கட்டமைப்பு அமைச்சர் கேத்தரின் கிங் ஒப்புதல் அளித்துள்ளார். இதற்கு  3 பில்லியன் செலவாகும் என மதிப்பிடப்பட்டுள்ளது.

தற்போதுள்ள வடக்கு-தெற்கு ஓடுபாதைக்கு இணையாக கட்டப்படவுள்ள 3,000 மீட்டர் ஓடுபாதை, விக்டோரியாவில் அதிகரித்து வரும் விமானப் போக்குவரத்தின் தேவைகளைப் பூர்த்தி செய்ய உதவுவதோடு, மாநிலத்தின் பொருளாதாரத்துக்கும் பலமாக அமையவுள்ளது.

மெல்போர்ன் விமான நிலையத்தின் மூன்றாவது ஓடுபாதையின் ஒப்புதல்  விக்டோரியாவின் விவசாயத் தொழிலுக்கு பொருளாதார ஏற்றம் மற்றும் ஆஸ்திரேலியாவின் மிகவும் மதிப்புமிக்கதாக தன்னை உறுதிப்படுத்திக் கொள்ள உதவும் என்று விவசாயிகள் கூட்டமைப்பு  கூறுகிறது.

2031-32 ஆம் ஆண்டில் மெல்போர்ன் ஆறு மில்லியனுக்கும் அதிகமான மக்களுடன் ஆஸ்திரேலியாவின் மிகப்பெரிய நகரமாக மாறும் என்று கணிக்கப்பட்டுள்ளது.

வியாபாரப் பொதிகள் மற்றும்  பயணிகள் எண்ணிக்கை தொடர்ந்து அதிகரித்து வருவதால், புதிய ஓடுபாதை அமைப்பு இந்த அதிகரிக்கும் தேவையை பூர்த்தி செய்யும் என்று எதிர்பார்க்கப்படுகின்றது. 

இந்த திட்டம் 2031 இல் முடிக்க திட்டமிடப்பட்டுள்ளது, இது ஒரே நேரத்தில் விமானங்கள் புறப்படுவதற்கும் தரையிறங்குவதற்கும் அனுமதிக்கும், உச்ச காலங்களில் ஏற்படும் தாமதங்களைக் கணிசமாகக் குறைக்கும்.

புதிய ஓடுபாதை மற்றும் பிற துணை உள்கட்டமைப்புகளைச் சேர்ப்பது விமான நிலையத்தின் செயல்திறனை மேம்படுத்தும். இது மெல்போர்னை சர்வதேச மற்றும் உள்நாட்டு மையமாக உயர்த்தும் என்று எதிர்பார்க்கப்படுகிறது. மெல்போர்ன் விமான நிலையத்தின்  இந்த மேம்படுத்தல் சிட்னி மற்றும் பிரிஸ்பேனுக்கு இணையாக கொண்டு வருகிறது, இவை இரண்டும் ஏற்கனவே இணையான ஓடுபாதை அமைப்புகளைக் கொண்டுள்ளன.  

இந்த திட்டம் விரிவான சமூக ஆலோசனை செயல்முறை மற்றும் சுற்றுச்சூழல் மற்றும் சமூக தாக்கங்கள் பற்றிய கடுமையான மதிப்பீட்டிற்கு உட்பட்டுள்ளது. 

இந்தத் திட்டம் 51,000 வேலைகளுக்கு ஆதரவளிக்கும் மற்றும் விக்டோரியாவின் பொருளாதாரத்தில் ஆண்டுதோறும் கூடுதலாக 
6 பில்லியன் உள்வாங்கப்படும்  என்று எதிர்பார்க்கப்படுகிறது. 

சபா.தயாபரன்.