தாய்லாந்து, லாவோஸ் பகுதிக்கு சுற்றுலா சென்ற நிலையில் மெதனால் கலந்த மதுபானம் அருந்தியதால் பாதிக்கப்பட்டிருந்த ஆஸ்திரேலிய யுவதி சிகிச்சை பலனின்றி உயிரிழந்துள்ளார்.

மெல்பேர்ணை சேர்ந்த 19 வயதான பியாக்னா ஜோன்ஸ் என்பவரே இவ்வாறு உயிரிழந்துள்ளார்.

அவரது நண்பி தொடர்ந்து வைத்தியசாலையில் சிகிச்சைப்பெற்றுவருகின்றார். 
கடந்த செவ்வாய்க்கிழமை இரவு, இருவரும் மது அருந்தியுள்ளனர். மறுநாள் அதிகாலை நோய்வாய்ப்பட்ட நிலையில் வைத்தியசாலையில் சேர்க்கப்பட்டனர்.
அவர்கள் அருந்திய மதுவில் மெதனால் கலந்திருக்கலாம் என சந்தேகிக்கப்படுகின்றது.

தாய்லாந்தில் ஆஸ்திரேலிய பிரஜையொருவர் உயிரிழந்திருப்பதை பிரதமர் இன்று நாடாளுமன்றத்தில் உறுதிப்படுத்தினார்.