கடற்றொழில், நீரியல்வள மற்றும் கடல்வள அமைச்சராக இராமலிங்கம் சந்திரசேகர்   நியமிக்கப்பட்டுள்ளார்.

புதிய அமைச்சரவை பதவியேற்பு நிகழ்வு ஜனாதிபதி அநுரகுமார திஸாநாயக்க தலைமையில் ஜனாதிபதி செயலகத்தில் இன்று நடைபெற்றது.

இதன்போதே அமைச்சராக இராமலிங்கம் சந்திரசேகர் ஜனாதிபதி முன்னிலையில் பதவிப்பிரமாணம் செய்துகொண்டுள்ளார்.

அத்துடன், மகளிர் மற்றும் சிறுவர் விவகார அமைச்சராக சரோஜா போல்ராஜ் நியமிக்கப்பட்டுள்ளார்.

அந்தவகையில் ஜனாதிபதி அநுரவின் அமைச்சரவையில் இரு தமிழர்களுக்கு இடமளிக்கப்பட்டுள்ளது.

பிரதம அமைச்சராக ஹரினி அமரசூரியவும், வெளிவிவகார அமைச்சராக விஜித ஹேரத்தும் பதவியேற்றுள்ளனர். இவர்களுக்கு மேலதிகமாக சில அமைச்சு பதவிகளும் வழங்கப்பட்டுள்ளன.

புதிய அமைச்சரவை விபரம்

1. இலங்கையின் பிரதமராக கலாநிதி ஹரினி அமரசூரிய ஜனாதிபதி முன்னிலையில் பதவியேற்றதுடன் கல்வி, உயர்கல்வி மற்றும் தொழிற்கல்வி அமைச்சராகவும் பதவியேற்றார்.

2. விஜித ஹேரத் – வெளிவிவகார அமைச்சர், வெளிநாட்டு வேலைவாய்ப்பு மற்றும் சுற்றுலா அமைச்சராக பதவிப்பிரமாணம் செய்துகொண்டார்.

3. பேராசிரியர் சந்தன அபேரத்ன – பொதுநிர்வாக, மாகாண சபைகள் மற்றும் உள்ளுராட்சி அமைச்சராக பதவிப்பிரமாணம் செய்துகொண்டார்.

4. சட்டத்தரணி ஹர்ஷன நாணயக்கார – நீதி மற்றும் தேசிய ஒருமைப்பாடு அமைச்சராக பதவிப்பிரமாணம் செய்துகொண்டார்.

5. சரோஜா சாவித்ரி போல்ராஜ் – மகளிர் மற்றும் சிறுவர் விவகார அமைச்சராக பதவிப்பிரமாணம் செய்துகொண்டார்.

6. கே.டி.லால்காந்த – கமத்தொழில், கால்நடை வளங்கள், காணி மற்றும் நீர்ப்பாசன அமைச்சராக பதவிப்பிரமாணம் செய்துகொண்டார்.

7. அனுர கருணாதிலக்க – நகர அபிவிருத்தி, நிர்மாணம் மற்றும் வீடமைப்பு அமைச்சராக பதவிப்பிரமாணம் செய்துகொண்டார்.

8. இராமலிங்கம் சந்திரசேகர் – கடற்றொழில் , நீரியல் மற்றும் கடல் வளங்கள் அமைச்சராக பதவிப்பிரமாணம் செய்துகொண்டார்.

9. பேராசிரியர் உபாலி பன்னலகே – கிராமிய அபிவிருத்தி, சமூக பாதுகாப்பு மற்றும் சமூக வலுவூட்டல் அமைச்சராக பதவிப்பிரமாணம் செய்துகொண்டார்.

10. சுனில் ஹந்துன்நெத்தி – கைத்தொழில் மற்றும் தொழில் முயற்சியாண்மை அபிவிருத்தி அமைச்சராக பதவிப்பிரமாணம் செய்துகொண்டார்.

11. ஆனந்த விஜேபால – பொதுமக்கள் பாதுகாப்பு மற்றும் பாராளுமன்ற அலுவல்கள் அமைச்சராக பதவிப்பிரமாணம் செய்துகொண்டார்.

12. பிமல் ரத்னாயக்க – போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சராக பதவிப்பிரமாணம் செய்துகொண்டார்.

13. பேராசிரியர் ஹிணிதும சுனில் செனவி – புத்தசாசன சமய மற்றும் கலாசார அலுவல்கள் அமைச்சராக பதவிப்பிரமாணம் செய்துகொண்டார்.

14. வைத்தியர் நலிந்த ஜயதிஸ்ஸ – சுகாதாரம் மற்றும் வெகுசன ஊடக அமைச்சராக பதவிப்பிரமாணம் செய்துகொண்டார்.

15. சமந்த வித்தியாரத்ன – பெருந்தோட்ட மற்றும் சமூக உட்கட்டமைப்பு வசதிகள் அமைச்சராக பதவிப்பிரமாணம் செய்துகொண்டார்.

16. சுனில் குமார கமகே – இளைஞர் விவகார, விளையாட்டுத்துறை அமைச்சராக பதவிப்பிரமாணம் செய்துகொண்டார்.

17. வசந்த சமரசிங்க – வர்த்தக, வாணிப, உணவுப் பாதுகாப்பு மற்றும் கூட்டுறவு அபிவிருத்தி அமைச்சராக பதவிப்பிரமாணம் செய்துகொண்டார்.

18. பேராசிரியர் கிரிஷாந்த அபேசேன – விஞ்ஞானம் மற்றும் தொழில்நுட்ப அமைச்சராக பதவிப்பிரமாணம் செய்துகொண்டார்.

19. பேராசிரியர் அனில் ஜயந்த பெர்னான்டோ – தொழில் அமைச்சராக பதவிப்பிரமாணம் செய்துகொண்டார்.

20. பொறியியலாளர் குமார ஜயகொடி – எரிசக்தி அமைச்சராக பதவிப்பிரமாணம் செய்துகொண்டார்.

21. வைத்தியர் தம்மிக்க பட்டபெதி – சுற்றாடல் அமைச்சராக பதவிப்பிரமாணம் செய்துகொண்டார்.