நாடாளுமன்ற உறுப்பினர் அருச்சுனா  இராமநாதன், யாழ்ப்பாணத்தில் வைத்து அநுராதபுர பொலிஸாரால் இன்று கைது செய்யப்பட்டுள்ளார். 

அநுராதபுர பொலிஸ் பிரிவுக்கு உட்பட்ட பகுதியில் கடந்தவாரம் போக்குவரத்து விதிமுறைகளை மீறியமை, கடமையில் இருந்த பொலிஸாரின் கடமைக்கு இடையூறு விளைவித்தமை உள்ளிட்ட குற்றச்சாட்டுக்கள், அர்ச்சுனாவுக்கு எதிராக முன்வைக்கப்பட்டிருந்தன. 

இது தொடர்பில் அநுராதபுரம் நீதவான் நீதிமன்றில் அர்ச்சுனா இராமநாதன் முன்னிலையாகிய வேளை , அவரின் பெயர் சுலோச்சனா இராமநாதன் என  குறிப்பிட்டு இருந்தமையால் அர்ச்சுனா விடுவிக்கப்பட்டு இருந்தார்.  

குறித்த வழக்கு தொடர்பில் எதிர்வரும் 03ஆம் திகதி விசாரணை அறிக்கையை மன்றில் சமர்ப்பிக்குமாறு அநுராதபுர நீதிமன்று பொலிஸாருக்கு கட்டளையிட்டு இருந்தது.  

இந்நிலையில், அநுராதபுர பொலிஸ் நிலையத்தின் விசேட குழுவினர் யாழ்ப்பாணத்திற்கு வருகை தந்து யாழ்ப்பாணத்தில் வைத்து நாடாளுமன்ற உறுப்பினரை கைது செய்து , அநுராதபுரம் அழைத்து சென்றுள்ளனர்.