"இஷாரா செவ்வந்தியின் தொலைபேசியில் உங்களது பெயர் எவ்வாறு ‘சேவ்’ செய்யப்பட்டிருக்கும்." - என்று ஊடகவியலாளர்கள் எழுப்பிய கேள்விக்கு சிரித்தபடியே பதிலளித்துள்ளார் ஸ்ரீலங்கா பொதுஜன பெரமுனவின் நாடாளுமன்ற உறுப்பினர் நாமல் ராஜபக்ஷ.
"செவ்வந்தியின் தொலைபேசியைப் பரிசோதித்தவர்களிடம்தான் அது பற்றி கேட்க வேண்டும். செவ்வந்தியின் தொலைபேசியைப் பார்ப்பதற்கு பலரும் ஆவலாக உள்ளனர் போல்தான் தெரிகின்றது.
அவ்வாறானவர்கள் பரிசோதித்து எனது பெயர் எவ்வாறு உள்ளது எனக் கூறினால் நல்லது." - என்பதே மேற்படி கேள்விக்கு நாமல் வழங்கிய பதிலாகும்.
“மகே ராஜபக்ஷ(எனது ராஜபக்ஷ) எனப் பெயரொன்று சேவ் செய்யப்பட்டுள்ளதாகத் தகவல் வெளியானதே…” எனவும் நாமலிடம் கேள்வி எழுப்பப்பட்டது.
இதற்குப் பதிலளித்த அவர்,
“ சிலருக்கு தற்போது ராஜபக்ஷக்கள்தான் கனவில் கூட வருகின்றனர்;. அந்தக் கட்சியிலும் (என்.பி.பி.) நாமல் ஒருவர் இருக்கின்றார், அது அவரா என்பது கூடத் தெரியவில்லை. நாமல் என்ற பெயரைக் கண்டதுமே அவர்களுக்கு என்னை நினைவுக்கு வருவது சந்தோஷம். பெண்கள் தமது காதலர்களின் பெயருக்கு முன்னால்தான் எனது என எழுதி சேவ் செய்வார்கள். சிலவேளை அது அப்படி சேவ் செய்யப்பட்ட ஒரு பெயராகக்கூட இருக்கலாம்." - என்றார் நாமல் எம்.பி.
