ஜனாதிபதி அநுரகுமார திஸாநாயக்கவின் 57 ஆவது பிறந்தநாள் இன்று
🛑 முழு பெயர் - திஸாநாயக்க முதியன்சலாகே அநுரகுமார திஸாநாயக்க.
🛑 பிறப்பு - 1968.11.24.
🛑 பிறந்த ஊர் – கலேவெல - மகுல்கஸ்வெவ. நான்கு வருடங்களுக்கு பிறகு கெக்கிராவையில் குடியேறினார்.
🛑 ஆரம்ப கல்வி – தம்புத்தேகம காமினி வித்தியாலயம்.
🛑 உயர் கல்வி – தம்புத்தேகம மத்திய கல்லூரி.
குறித்த பாடசாலையிலிருந்து உயர்தரத்தில் சித்தியடைந்து - பல்கலைக்கழகத்துக்கு தெரிவான முதல் மாணவர் இவராவார்.
🛑 1992 இல் களனி பல்கலைக்கழகத்துக்கு தெரிவான இவர் 1995 இல் பட்டதாரியானார்.
அரசியல் வாழ்க்கை......
🛑 1997 இல் சோஸலிச இளைஞர் அமைப்பின் தேசிய அமைப்பாளராக நியமிக்கப்பட்டார்.
🛑 1997 இல் ஜே.வி.பியின் மத்திய செயற்குழு உறுப்பினராகவும், 1998 இல் ஜே.வி.பியின் அரசியல் குழு உறுப்பினராகவும் செயற்பாட்டு அரசியலுக்கு உள்வாங்கப்பட்டார்.
🛑 1998 இல் மத்திய மாகாணசபைத் தேர்தலில் முதலமைச்சர் வேட்பாளராக களமிறங்கினார்.
2000 இல் நாடாளுமன்றத்துக்கு தெரிவானார்.
🛑 2004 இல் குருணாகலை மாவட்டத்தில் போட்டியிட்டு அதிக விருப்பு வாக்குகளுடன் நாடாளுமன்றத்துக்கு இரண்டாவது முறையும் தெரிவானார். கூட்டணி அரசாங்கத்தில் விவசாய அமைச்சர் பதவியையும் வகித்தார்.
🛑 2008 இல் ஜே.வி.பியின் நாடாளுமன்ற குழு தலைவராக நியமிக்கப்பட்டார்.
🛑 2010 இல் தேசிய பட்டியல் ஊடாக மீண்டும் நாடாளுமன்றத்துக்கு தெரிவானார்.
🛑 2014 ஜனவரி 2 ஆம் திகதி ஜே.வி.பியின் தலைமைப்பொறுப்பு கையளிக்கப்பட்டது.
அவர் பதவியேற்ற பின்னர் மாகாணசபைத் தேர்தலில் ஜே.வி.பியின் வாக்கு வங்கி அதிகரித்தது.
🛑 2015 நடைபெற்ற பொதுத்தேர்தலில் கொழும்பு மாவட்டத்தில் போட்டியிட்டு வெற்றிபெற்றார். சபையில் எதிர்க்கட்சி பிரதம கொறடாவாகவும் பதவி வகித்தார்.
🛑 2019 ஆகஸ்ட் 18 ஆம் திகதி தேசிய மக்கள் சக்தியின் ஜனாதிபதி வேட்பாளராக களமிறங்கினார்.
🛑 2024 ஜனாதிபதி தேர்தலிலும் போட்டி. தேர்தலில் போட்டியிட்டு வெற்றிபெற்று, இலங்கையின் 9 ஆவது நிறைவேற்று அதிகார ஜனாதிபதியாக பதவியேற்றார்.
🛑 1990 -93 காலப்பகுதியில் கணிதபாட தொண்டர் ஆசிரியராக சேவையாற்றியுள்ளார். சாதாரண தரம் மற்றும் உயர்தர மாணவர்களுக்கு கணிதம் கற்பிக்கும் ட்யூசன் வாத்தியாராகவும் சேவை செய்துள்ளார்.
ஜனாதிபதி அநுரகுமார திஸாநாயக்கவின் 57 ஆவது பிறந்தநாள் இன்றாகும். இதனை முன்னிட்டு ஏற்கனவே எழுதப்பட்ட பதிவு சிறு திருத்தங்களுடன் மீள தரப்படுகின்றது.
தான் பாடசாலை செல்லும் காலப்பகுதியில் ரயிலில் டொப்பி, மாங்காய் என்பவற்றை விற்றுள்ளார் என ஒரு நேர்காணலின்போது அநுர குறிப்பிட்டிருந்தார். அத்துடன், தனக்கு விவசாயம் செய்ய முடியும். சந்தையில் பொருட்களையும் விற்றுள்ளேன். அது பசுமையா நினைவுகள் எனவும் அவர் குறிப்பிட்டிருந்தார்.
ஆர்.சனத்
