CommunityHealthsrilanka

இலங்கையில் மரணங்கள் அதிகரிக்கும் அபாயம்?

நாட்டில் மருந்து தட்டுப்பாடு தொடர்ந்து நிலவினால் மரணங்கள் அதிகரிப்பதை தடுக்க முடியாதென அகில இலங்கை வைத்திய அதிகாரிகளின் சங்கம் எச்சரிக்கை விடுத்துள்ளது.

அஸ்பிரின் மருந்து கூட இல்லாத காரணத்தால் தொற்றா நோயாளரின் உயிருக்கு அபாயம் ஏற்பட்டுள்ளது என மேற்படி சங்கத்தின் பொது செயலாளர் டாக்டர் ஜயந்த பண்டார சுட்டிக்காட்டியுள்ளார்.

வர்த்தக சந்தையில் அநாவசியமான விட்டமின் வகைகள் பெருந்தொகை இருப்பதாகவும் இது குறித்து அரசாங்கம் ஒரு தீர்மானத்தை எடுக்க வேண்டுமெனவும் அவர் கோரிக்கை விடுத்தார்.

“அஸ்பிரின் மருந்து கடந்த நான்கு மாதங்களாக இருக்கவில்லை. இரத்தம் கட்டியாவதை குறைப்பதற்குத்தான் நாங்கள் இந்த மருந்தை பாவிக்கின்றோம். இதய நோயாளிகள், பக்கவாதமுள்ள நோயாளிகள் நீரிழிவு நோயாளிகள் இந்த மருந்தை பாவிக்கின்றனர். அஸ்பிரின் தட்டுப்பாடு ஏற்பட்ட பின்னர் இது போன்ற நோயாளிகளின் உயிருக்கு ஆபத்து ஏற்பட்டுள்ளது….. விசேடமாக தொற்றா நோயாளிகள்”

“அதேபோல் சிறுநீரக நோயாளிகள் மாதாந்தம் பாவிக்கும் மருந்து வகைக்கும் பல இடங்களில் தட்டுப்பாடு நிலவுகின்றது” எனவும் அவர் குறிப்பிட்டுள்ளார்.

Related Articles

Back to top button