நியூ சவுத் வேல்ஸ் ஹண்டர் பிராந்தியத்தின் சில பகுதிகளில் கன மழை தொடர்வதால் டன்காக் மற்றும் பேட்டர்சன் பகுதியில் உள்ள சில தெருக்களில் வசிப்பவர்களுக்கு இரவு 11:30 மணிக்குள் அவர்களை வெளியேறுமாறு மாநில அவசர சேவை (SES) அவசர எச்சரிக்கையை வெளியிட்டது,
பாரிங்டன் டாப்ஸுக்கு அருகிலுள்ள ஃபெர்ன்டேல் கேரவன் பூங்காவில் வசிக்கும் பலரையும் உடனடியாக வெளியேறச் சொன்னதாக SES உதவி ஆணையர் கொலின் மலோன் கூறினார்.
கடந்த 24 மணி நேரத்தில் 2,000க்கும் மேற்பட்ட உதவி அழைப்புகள் வந்துள்ளதாகவும், இதில் 1,400 சம்பவங்கள் அவசரகால நடவடிக்கைகளுக்கு வழிவகுத்தன என்று SES மாநில செயல்பாட்டுத் தலைமை கண்காணிப்பாளர் டல்லாஸ் பைர்ன்ஸ் தெரிவித்தார்
ஹண்டர் மற்றும் மிட் நார்த் கோஸ்ட்டில் தொடர்ந்து கனமழை பெய்து வருகிறது - நேற்று காலை 9 மணி முதல் தாரியில் 277 மில்லிமீட்டர் மழை பதிவாகியுள்ளது. போர்ட் மெக்குவாரி விமான நிலையம் (235 மிமீ), பாரிங்டன் டாப்ஸில் உள்ள கேரிஸ் சிகரம் (260 மிமீ) மற்றும் வௌச்சோப் (197 மிமீ) ஆகியவை கனமழை பெய்யும் பிற பகுதிகளில் அடங்கும்.
பேட்டர்சன், வில்லியம்ஸ், மானிங், குளோசெஸ்டர், அப்பர் ஹண்டர், கோல்பர்ன் மற்றும் லோயர் ஹண்டர் ஆறுகள் மற்றும் வொலும்பி புரூக் ஆகியவற்றுக்கு பெரிய வெள்ள எச்சரிக்கைகள் உள்ளன.
இன்று காலை முதல் குளோசெஸ்டர், டாரி, கோஸ்ட்விக், டன்காக் மற்றும் மில் அணைகளிலும், இன்று மாலை டாரி மற்றும் விங்ஹாமிலும் பெரிய வெள்ளப்பெருக்கு ஏற்பட வாய்ப்புள்ளது.
புலதேலா, பேட்டர்சன், டன்காக், குளோசெஸ்டரின் சில பகுதிகளுக்கு வெளியேற்றப்பட வேண்டிய நான்கு உட்பட ஐந்து அவசர எச்சரிக்கைகள் உள்ளன.
பாதிக்கப்பட்ட பகுதிகளில் 24 மணி நேரத்தில் 90-130 மிமீ மழை பெய்யும் என்றும், தனிமைப்படுத்தப்பட்ட பகுதிகளில் 180-230 மிமீ வரை மழை பெய்யும் என்றும் வானிலை ஆய்வு மையம் கணித்துள்ளது.
சபா.தயாபரன்.
