சிறார்களை பாலியல் துஷ்பிரயோகத்துக்கு உட்படுத்தினார் எனக் கூறப்படும் வழக்குடன் தொடர்புபட்ட இலங்கை பௌத்த துறவி, குற்றவாளியென நிரூபிக்கப்பட்டுள்ள நிலையில், தடுப்பு காவலில் வைக்கப்பட்டுள்ளார்.
இவருக்குரிய தண்டனை வழங்குவதற்குரிய நீதிமன்ற அமர்வு எதிர்வரும் டிசம்பர் மாதம் நடைபெறவுள்ளது. அதுவரையில் அவர் தடுப்பில் இருப்பார்.
மெல்பேர்ண் நீதிமன்றத்தில் இடம்பெற்றுவந்த வழக்கு விசாரணையில் 70 வயதான நாவோதுன்னே விஜிதா என்ற பௌத்த துறவி, குற்றவாளியென்பது நேற்று நிரூபனமானது.
12 வயதுக்குட்பட்ட ஆறு சிறார்கள், விகாரை குடியிருப்பு, பிரார்த்தனை அறை மற்றும் அறநெறி வகுப்பு என்பவற்றுக்குள் வைத்தே இவரால் துஷ்பிரயோகத்துக்கு உட்படுத்தப்பட்டுள்ளனர் என குற்றஞ்சாட்டப்பட்டிருந்தது.
1994 ஆம் ஆண்டிலேயே இவர் மெல்பேர்ணில் குடியேறியுள்ளார். அக்காலப்பகுதியில் இருந்தே அவர், இந்த அநாகரீக செயலில் ஈடபட்டுள்ளார்.
பாதிக்கப்பட்டவர்கள், தற்போது பெரியவர்களாக உள்ளனர். இவர்கள் ஜுரிகள் சபையில் சாட்சியமளித்தனர்.
பௌத்த துறவிக்கு எதிராக முன்வைக்கப்பட்ட 19 குற்றச்சாட்டுகளில், 17 இல் அவர் குற்றவாளியென்பது நிரூபனமானது.
இந்நிலையில் ஜுரி விசாரணை இன்று வெள்ளிக்கிமையும் நடைபெற்றது. குறித்த விசாரணையின் பின்னர் தேரர் கைது செய்யப்பட்டு, தடுப்பில் வைக்கப்பட்டார்.
