AustraliaCommunitySports

விழிநீர் பெருக்கெடுப்பு – கிரிக்கெட்டுக்கு விடை கொடுத்தார் டேவிட் வார்னர்…!

ஆஸ்திரேலிய அணியின் நட்சத்திர துடுப்பாட்ட வீரரான டேவிட் வார்னர் தனது கடைசி இன்னிங்ஸில் அரைசதம் விளாசிவிட்டு, கண்ணீருடன் நேர்காணல் வழங்கிய சம்பவம் இரசிகர்களிடையே நெகிழ்ச்சியை ஏற்படுத்தியுள்ளது.

பாகிஸ்தான் அணிக்கு எதிரான டெஸ்ட் போட்டியில் ஆஸ்திரேலியா அணி 8 விக்கெட்டுகள் வித்தியாசத்தில் அபார வெற்றியை பெற்றுள்ளது.

இரண்டாவது இன்னிங்ஸில் பாகிஸ்தான் அணி 115 ஓட்டங்களுக்கு சுருண்ட நிலையில், ஆஸ்திரேலியா அணி வெற்றிபெற 14 ஓட்டங்கள் முன்னிலையுடன் சேர்த்து 130 ஓட்டங்கள் இலக்காக நிர்ணயம் செய்யப்பட்டது.

கடைசி முறையாக களமிறங்கிய ஆஸ்திரேலிய அணியின் டேவிட் வார்னருக்கு பாகிஸ்தான் வீரர்கள் தரப்பில் மரியாதை வழங்கப்பட்டது. இதன்பின் டேவிட் வார்னர் அதிரடியாக பவுண்டரிகளை விளாசி அரைசதம் சேர்த்தார். ஆஸ்திரேலிய அணியின் 119 ஓட்டங்களை எட்டிய நிலையில், வார்னர் 57 ஓட்டங்கள் எடுத்து ஆட்டமிழந்தார்.

இறுதி போட்டி என்பதால் உணர்ச்சிப்பூர்வமாக காணப்பட்ட டேவிட் வார்னர், சிட்னி மைதானத்தில் இருந்த ரசிகர்களுக்கு நன்றி தெரிவிக்கும் வகையில் ஹெல்மெட்டை கழற்றி கைகளை உயர்த்தி பெவிலியன் நோக்கி நடந்து சென்றார். அதன்பின் பெவிலியன் அருகில் இருந்த சிறுவன் ஒருவனுக்கு தனது ஹெல்மெட், கிளவுஸ் உள்ளிட்டவற்றை கழற்றி பரிசாக அளித்தது ரசிகர்களிடையே நெகிழ்ச்சியை ஏற்படுத்தியது.

 

 

Related Articles

Back to top button