எம்.பிக்களின் முகவரி திடீரென நீக்கம் - பாதுகாப்பு ஏற்பாடாம்!

நாடாளுமன்ற உறுப்பினர்களின் பாதுகாப்பு கருதி, அனைத்து நாடாளுமன்ற உறுப்பினர்களதும் விலாசம் மற்றும் கையடக்க தொலைபேசி இலக்கங்கள் நாடாளுமன்ற இணைய தளத்திலிருந்து திடீரென நீக்கப்பட்டுள்ளன.

இதுதொடர்பாக நாடாளுமன்ற தகவல் தொழில்நுட்பப் பிரிவின் அதிகாரி ஒருவரிடம் கேட்டபோது, நாடாளுமன்ற உறுப்பினர்களின் வேண்டுகோளின்படி அவற்றை நீக்கியதாக அவர் தெரிவித்தார்.

நாடாளுமன்ற உறுப்பினர்களின் பாதுகாப்பை கவனத்திற்கொண்டு இந்த நடவடிக்கை எடுக்கப்பட்டுள்ளதாகவும் அவர் தெரிவித்தார்.

அதேவேளை, நாடாளுமன்ற இணையதளத்தில் காணப்படும் நாடாளுமன்ற உறுப்பினர்களின் தொலைபேசி இலக்கங்களுக்கு கடந்த சில மாதங்களில் பல்வேறு நபர்கள் தொடர்பு கொண்டு அவர்களை சிரமப்படுத்தும் வகையில் பேசியதாக பல்வேறு முறைப்பாடுகள் கிடைத்துள்ளன.