மெல்போர்ன் விமான நிலையம் ஊடாக வெளிநாட்டிற்கு தப்பிக்க முயன்ற 67 வயது முதியவர் ஒருவர் கொலைக் குற்றத்திற்காகக் கைது செய்யப்பட்டுள்ளார்.
கடந்த வியாழக்கிழமை முதல் காணாமல் போனதாகத் தேடப்பட்டு வந்த டான்டெநாங் பகுதியைச் சேர்ந்த 53 வயது பெண் ஒருவரின் உடல் லிட்டில் ரிவர் பகுதியில் கண்டெடுக்கப்பட்டது.
காணாமல் போன பெண்ணின் குடும்பத்தினர் அளித்த முறைப்பாட்டின் அடிப்படையில் நடத்தப்பட்ட தீவிர விசாரணையில், இப்பெண்ணின் மரணம் சந்தேகத்திற்குரியது என காவல்துறையினர் உறுதிப்படுத்தினர்.
கைதான நபர் தற்போது நீதிமன்றக் காவலில் வைக்கப்பட்டுள்ளதுடன், விரைவில் நீதிமன்றத்தில் ஆஜர்படுத்தப்பட உள்ளார்.
உயிரிழந்த பெண்ணின் உடல் இன்னும் அதிகாரப்பூர்வமாக அடையாளம் காணப்படவில்லை என்றாலும், அது காணாமல் போன அதே பெண் தான் என அதிகாரிகள் நம்புகின்றனர்.
இந்தச் சம்பவத்தைத் தொடர்ந்து அந்தப் பகுதியில் தற்போது குற்றவியல் விசாரணை தீவிரமாக நடைபெற்று வருகிறது.
