AmericaAsiaEuropeFranceitalyMain NewsUKWorld

கொரோனா தொற்று 5 இலட்சத்தைக் கடந்தது; பலியெடுப்பு 23 ஆயிரம்! மரணப்படுக்கையில் 18 ஆயிரம் பேர்!!

உலகை பெரும் அச்சுறுத்தலுக்குள்ளாக்கியிருக்கும் கொரோனா வைரஸ், இதுவரை 5 இலட்சத்து பத்தாயிரத்து 18 பேர் மீது தாவியுள்ளது. இதனால், 23 ஆயிரத்துக்கும் மேற்பட்டோர் பலியாகியுள்ளனர்.

இத்தாலியில் மாத்திரம் 8 ஆயிரத்து 165 பேர் பலியாகியுள்ளனர். கடந்த 24 மணித்தியாலத்துக்குள் மாத்திரம் இங்கு 662 பேர் பலியாகியுள்ளனர். இத்தாலிக்கு அடுத்தபடியாக ஸ்பெய்னில் இதுவரை நான்காயிரத்து 145 பேர் பலியாகியுள்ளனர். அங்கு கடந்த 24 மணி நேரத்துக்குள் 500 பேர் வரை பலியாகியுள்ளனர்.

இவ்வைரஸ் பரவ ஆரம்பித்த சீனாவில் மூவாயிரத்து 287 பேர் பலியாகியுள்ளனர். ஆனால், அங்கு கடந்த 24 மணி நேரத்துக்குள் வெறும் 6 பேர் மாத்திரமே பலியாகியுள்ளனர்.

இதேவேளை, மேற்குறித்த மூன்று நாடுகளுக்கு அடுத்தபடியாக தற்போது வேகமாக பலியெடுப்பு நடந்து வரும் நாடாக ஈரான் உள்ளது. இங்கு இதுவரை இரண்டாயிரத்து 234 பேர் பலியாகியுள்ளனர். இங்கு கடந்த 24 மணி நேரத்துக்குள் 157 பேர் வரை பலியாகியுள்ளனர்.

இதேபோல பிரான்ஸில் இதுவரை ஆயிரத்து 133 பேரும், அமெரிக்காவில் இதுவரை ஆயிரத்து 82 பேரும், இங்கிலாந்தில் 477 பேரும், நெதர்லாந்தில் 434 பேரும், பெல்ஜியத்தில் 220 பேரும், சுவிட்ஸர்லாந்தில் 191 பேரும், தென் கொரியாவில் 131 பேரும் பலியாகியுள்ளனர்.

இதேவேளை, இவ்வைரஸால் பாதிக்கப்பட்டவர்களில் 18 ஆயிரத்துக்கும் அதிமானவர்கள் மரணத்தைத் தழுவும் நிலையில் உள்ளனர் என்பது அதிர்ச்சிக்குரிய விடயமாகும்.

Related Articles

Back to top button